Сценарий мордовского народного праздника



Скачать 46.79 Kb.
Дата08.06.2016
Размер46.79 Kb.
ТипСценарий

Сценарий мордовского народного праздника



Сценанть лангсо каштомо, скамика, вальма, столь.

1- Тейтерь: Течи кеняркс, течи валдо,

Монь кши салом илинк сялдо!

Совадо, вечкевикс инжеть,

Кудо кенкшенек панжадот!



2- Тейтерь: Гайгить морот велень келес,

Менелесь прок сырнень толсо,

Кенярды монь Кочкур велесь.

3- Тейтерь: Сак тон, лембе кизэ, сак,

Чевте вармине, пувак.

Сезик виренть удоманзо,

Пиземесэ шлик чаманзо



4-Тейтерь: Сак тон, маней кизэ, сак,

Лейга – латкова ютак,

Певерть цецят моданть ланга,

Минь чийтяно пиже янга.



1-Тейтерь: Садо, оят , садо тей,

Вай, кодамо чись маней!

Морасынек течи минь

Троицянь пек мазый чинть!



2-Тейтерь: Садо, садо весе анок,

Течи маней праздник чись.

Садо, моро моратано

Троицянь праздникень кис!

МОРО

Весе вейсэ: Варма був-був-був,

Ливтязь тук, тук, тук!

Буди ливтязь а туят,

Ули виев пиземе.

Буди ливтязь тон туят,

Ули сэтьме пиземе



Налксить,седить нудейсэ:

Цёрыне: Вай сезяка, сезяка,

Мекс пулынеть кувака?



Тейтерька: Сыре патям кодызе,

Апак сюлма кадызе.



Налксить тутушкасо, вейсэ кортыть

Чипай, листь, листь, листь,

Оев каша тенть максан,

Якстере атякш тенть печкан.



Кедест верев кепедьсызь

Чипай листь, листь, листь.

Пизек, пизек, пиземе ,

Седе лисить нуеме,

Ведесь туи чудеме ,

Пиземе тук, тук, тук.

МОРО

3- Тейтерь: Косо эри кизэнь чись?

Косо эри мазый чись?

Эри пиже сон лугасо.

Самай мазы сон таркасо.



4- Тейтерь: Течи ламо од ломанть,

Тесэ улить сыретькак,

Дояркат ды тракторист,

Седе парсте гармонист.

МОРО

1- Тейтерь: Вай тундо, тундо,

Тундо мазыйне,

Мастор ланганть тон

Лембе максыця

Вай, ней сась шкинеть,

Тонь минь ильтятано,

Тонь минь ильтятано,

Кшисэ ды салсо

Лембе вастано.

Кизэнь мазы чинть.

Кизэ улезэ, лембе пиземеть,

Лембе пиземеть, сэтьме варминеть.

Чачост тонь паксят,

Тусто тикшесэ

Тусто сюросо

2- Тейтерь: Монь вечкевикс велентень

Од тейтернеть састь ,

Сынь лембе мартост

Косто - бути кандсть.

Минь весе содасынек

Сонзэ лемензэ

Покш мельсэ ёвтасынек

Минь тыненк сонзэ.

Зярс тейтернесь яки

Паксява, вирьга,

Кстыйть ды цецят ацы

Эрзянь масторга.

Те тейтерненть лемезэ,

Мазый кизэ

Весе ули-парозо

Ней минек кедьс

МОРО

3- Тейтерь: Садо, садо праздникев. Ветязо тынк минек, мазый эрзянь Кочкур велентень, киштемась ды морамось пси вечкемась, валдось, бажамось. Шумбрачи тенк, эрзянь мазый ломанть. Коли уш покш чи, улезэ алкуксонь кеняркс, улест морот, улест киштемат.

Сценанть ланкс лисить кавто баба ломанть

Олдай баба: Палай баба, сака тей!

Ды бойкасто седе чаравт.



Палай баба: Кода ней уш бойка чарамот. Сырединек пачк. Кортак эно мезекс эрявинь. Келеть эли кундавсь.

Олдай баба: Эзить полавто. Одстояк истя жо свал ков буди капшилить. Помнят кода палькень Алё дарькаень Катянь алаша лангсто правтызе.?

Палай баба: Те верепе удало, фирма бокасто. Ух, куломазон а стувтса.

Олдай баба: Да, куземс куйсь, ды эзь кирдеве. Нама, аванть ламо оршамотнеде тандадокшнось алашась.

Палай баба: Кода тесэ, а тандадомс. Эзить чей стувто эрзянь панартнэнь рукаватнень? Карть, пракстат, колмонь- нилень кирда эряк- човолят, сиянь пилекст. Моли авась жойнесь- жойни.

Олдай баба: Ды локшошка пуло лавтовонзо ланга, песэнзэ баягашка лентучка.

Палай баба: Прок пулт ливтясь алашанть лангсто луганть лангс. Ладнат ещё эзь томбаво.

Олдай баба: Томбавсь, эзь. Секс кирнявтсь, моро уставась:

«Цилик, цилик двадцать

Озязонть пятнадцать

Тинге удало нуеманок,

Нузалтано молеманок

Палай баба: А тень вана ещё тень. Кода уш уставави?

«Анна милая моя»

Вай, азаргадынек сыре - паро прясонок. Кода туш ней миненек моратано. Ломанде виськс.

Олай баба: Да уш, морсевсь, нуекшнэвсь од шкастонть. Некак кемсисемге иенек ульнекшнэсть, кода яксинек вирь удалов розь паксянь нуеме.

Палай баба: Истя улема. Кода течи ашти сельме икелень те паксясь. Ансяк ашолгадыль, сыгавтылемизь билет Ната велень ве пестэ омбоцев.А морот морылиник.

Олдай баба: Кувакат ульнесть цёторкатне.Вете саженть келезэ, кавксоньгемень кувалмозо. Цёратне сявордыть, аватне, тейтертне пулт сюлмить, скирдат теить.
Палай баба: Пожалой колоньгемень скирдатнень эрьвась эйстэнек чоп теилинзе.

Олдай баба: Тейсыть, ков молят. Оймсемат кодатак кияк а содыль. Роботылинек пелеведе пелевес, озылинек ансяк обидамо.

Палай баба: А обидэсь мезе ульнесь: раужо кши, чурькат, поза, кинь ловсо. Алт аламонь ульнекшнэсть.

Олдай баба: Уцилинек лашасо. Кудов якилинек ансяк баняв. Стака ульнесь ды прянть яла теке, а максылинек, ялатеке, веселасто од шканок-поранок ютавтынек.

МОРО


4 – Тейтерька: Ней неинек, ялгат, минек масторонок.

Минек масторсо, эрямось вадря

Минек масторсо, эрямось паро.

1 – Тейтерька:Веле песэ, вирь чиресэ

Морсетяно паро мельсэ.

Морсетяно цецятнеде,

Маней лембе валскетнеде.



2 – Тейтерька: Кода чись пейди вельксэнек,

Зяро нармунть

састь тенек,

Течи лей лангов мольтяно,

Ванькс ведьс килей ваявтано.

3 – Тейтерька:Садо ялгат, садо вейсэ,

Эрзянь моро моратано,

Эрзянь моро моратано,

Вейсэ эрзят виевтяно.



МОРО: Монь велинем.


Поделитесь с Вашими друзьями:


База данных защищена авторским правом ©uverenniy.ru 2019
обратиться к администрации

    Главная страница