«Монь раськень чувтом» Меньшаева Елена



Скачать 26.77 Kb.
Дата11.02.2020
Размер26.77 Kb.
«Монь раськень чувтом»
Меньшаева Елена,

Муниципальное бюджетное общеобразовательное учреждение лицей №2 Бугульминско муниципального района республики Татарстан «Школа – центр компетенции в электронном образовании»

Раськесь – те покш чувто, конасонть ламо лопат. Эрьва лопась чувтонтень канды лезэ, ды теде чувтось келейгады, рацякады, виевгады. Эрьва чувтонть улить ундоксонзо, конат а максыть сонзэ сявордомс виев варманеньгак. Ломанентень эрявить содамс эсензэ ундоксонзо, сестэ сон седе виекстэми, кеместэ сти моданть лангс. Эсь раськеде эряви содамс ды неть содамочитнень пачтямс эсь эйкакшот туртовгак. Вейке превей ломань мерекшнесь: «Эрямось – те аволь читне, конат ютасть, а сеть, конат кадовсть мельс, кадсть лезэ лияненьгак…»

Монь мелем ули евтнемс эсень раськедень – тонавтыцянь династиядонть. Бути вейс путомс Меншаевань – Фроловань династиянть важодемань иетнень, пурнави малав 300 иеть.



Монь важодеманть целесь—евтемс эсь раськеде ды невтемс сонзэ сюпавчинзэ

Ульнесть путозь покш задачатне :---покш мель содамс и невтимс эсень раськеденть-тонавтыцянь династиядонть Меньшаевань---Фроловань.

--пурнамс –сермадомс кевстевкс(опрос) минек школань весе эйкакштнэнь марто

_вейс пурнамс весе содамочитнень,конатне таштавсть исследованиянь коряс



Исследованиянь предметэсь: Раськень-тонавтыцянь династиядонть Меньшаевань –Фроловань

Исследованиянь обьектэсь:Тонавтыцянь-династиядонть содамс Меньшаевань- Фроловань,веле Домосейкина

Актуальностезе ашти ванстамс и содамс эсить династият ,невтимс кодат превей ломатне монь сырькаем ,авам ,патям.

А ушодовсь весе васоло комсеце пингень колоньгеменце иетнестэ, конат кандыть эйсэнек Домосейкинань велинентень. Те велинестэнть кадовсь ансяк лемзер чувтось пакся куншкасо, конась зярдо-бути эсь тарадкесэнзэ стукась Меньшаевань вальмас. Сон емась масторлангстонть, кода емасть ламо истят велинеть.

Меньшаевань Евдокия Евстафьевна - династиянь ушодыцясь - ульнесь Ключань поселканть эйдень кужосо важодицякс. Эйкакштнэнень вечкеманть сон максызе эсь тейтеренстэнь – Женянень ды Машанень. Тестэ чувтостонть туить кавто покш тарадт: ве ёнов Женянь (Стройкинань) тарадось, омбоце ёнов – Машань (Баряевань).

Меньшаева (Стройкина) Евгения Романовна – монь сырькаень авазо – школань прядомадо мейле поладызе тонавтнеманзо рабфаксо. Тонавтнемадо мейле кучозель роботамо Березовка велес. Войнань иетнестэ важодсь Оренбургинь школасо, а мейле, куломазонзо, Липовка начальной школасо. Сонзэ тевенть поладызь эйкакшонзо: Рая, Нина (монь сырькаем), Петр.

Раиса Леонтьевна Фролова – Сыркина Бугульмань педучилищадо мейле васняяк васняяк тонавтсь эйкакшт Чирковань школасо, мейле, мирденень лисемадо мейле Покровкань велень школасо. Семиянек тенст савсь кадомс тиринь енксонть – тусть Украинав, ялатеке тосояк кемень иень перть важодсь кужосо.

Омбоце Евгения Романовнань тейтерезэ , Нина (монь сырькаем) Бугрусланань педучилищань прядомадо мейле 1962 иестэ кучозель Домосейкинань школав роботамо. Тесэ сон роботась пенсияс лисемс. Заочна прядызе В.П.Чкаловань лемсэ пединститутонь филологической факультетэнть ды колоньгемень иеде ламо важодсь эрзянь ды рузонь келень тонавтыцякс.

Парсте эйкашонь тонавтомань- кастомань тевенть топавтомга сон казезь зярыя Почетной грамотасо, кавто медальсэ, ды канды «Ветеран труда» лементь. Покш лезкс сон кандсь тонавтомань тевентень.

Сырькаем тонавтсь тиринь келень ды тиринь масторонь вечкеме, те вечкеманть сон целанек максызе эсь тейтеренстэнь: Светанень ды Галянень(монь авам). Сынь кавонест патят-сазорт тонавтыть эрзянь ды рузонь келенть содамо Бугульмань и Самарань школасо. Роботыть, монь коряс, а беряньстэ. Кавонезэст максозь казнеть Н.И.Меркушкинэнь и Татарстанонь президентось пельде, Светлана Ивановнань зярыя Грамотанзо кода райононь, истя и республикань. Светланань тейтерезэ Маша тусь аванзо киява, тонавтни филологической факультетсэ

Вишка ялаксось - Фролов Виктор Леонтьевич –В.П Чкаловань лемсэ пединститутонть прядомадо мейле сась Подгорной велень школас рузонь келень ды литературань тонавтыцякс. Аламос савкшнось туемс тонавтомань тевстэнть, ялатеке, седеесь мекев ускизе школас. Тиринь школас, косо тонавтсь авазо, косо тонавтнесь сонсь.

Тейтерензэ - Оля ды Женя – поладызь тетянзо кинть, кавонест тонавтнесть пединститутсо, Оля – филфаксо, Женя – «Дошкольной педагогика» факультетсэ. Зярс сынь а роботыть, трить –кастыть эйкакшт.

Ней ушодан евтнеме омбоце тарадтонть, конань ушодкссонзо ашти Меньшаева (Князькина) Мария Романовна. Мария прядсь пединститутонь филологической факультетэнть. Васняяк зярыя иеть тонавтсь школасо, мейле лиссь мирденень, истя жо кельсодыйнень. Вейсэ сынь тонавтнесть аспирантурасо, седе мейле тонавтнесть Германиясо, Карелиясо, Башкириясо. Тарту ошсо, Эстониясо, Мария идесь кандидатской диссертация. Седе мейле роботасть Украинань Славянск ошонь пединститусо: Мария Романовна филологической факультетэнь деканокс, Михаил Сергеевич – омбо масторонь келень факультетэнь деканокс.

Мирдень куломадо мейле, Князькина Мария Романовна, велявты тиринь енксов. Поладсы эрзякс сермадома тевензэ. Сонзэ сеедьстэ стихотворениянзо, ёвтнеманзо лиснесть Татарстанонь Республикань журналтнэсэ ды газетатнесэ.



Мария Романовнань эйкакшонзо истя жо филологической образования марто. Люда пенсияс молемс важодсь эйдень кужосо, Ленянень савкшнось роботамс эрьва косо, но тонавтомань стажозо ялатеке малав комсь иеть.

Вана истямо монь раськень чувтом. Весемезэ эйсэнзэ малав 300 лопат (иеть). Арсян, седе тов сон седеяк рацякады, виензы Ламо те эли аламо? Зярс а содан. Но пек парсте чарькодьса сень, што те чувтось кандсь, канды, ды карми кандомо лезэ кода минек тиринь масторнэнтень, истя и весе Россиянтень, секс мекс сеть ломантне, конатнень тонавтсть неть тонавтыцятне, важодить Россиясояк, сонзэ томбалеяк. Те : врачт, министрат, артискат ды… ламо-ламо лия профессиянь ломанть. Монь койсэ, весемесь ушодови тонавтнемасто.

Поделитесь с Вашими друзьями:


База данных защищена авторским правом ©uverenniy.ru 2019
обратиться к администрации

    Главная страница